വര്‍ത്തമാനകാല കേരളത്തിലെ മൂര്‍ത്തമായ പ്രശ്‌നങ്ങളെ അത്യന്തം സൂക്ഷ്മതയോടും ചരിത്രബോധത്തോടും കൂടി അപഗ്രഥിക്കുന്നതാണ് ഈ ഗ്രന്ഥം. കേരളത്തിന്റെ വികസനപ്രശ്‌നങ്ങള്‍ ഇതില്‍ ഗൗരവപൂര്‍വ്വം ചര്‍ച്ച ചെയ്യുന്നുണ്ട്. ഒരു ജനാധിപത്യകേരളം രൂപപ്പെടുത്തിയെടുക്കുന്നതിനുള്ള വ്യക്തമായ കുറേ നിര്‍ദേശങ്ങളും ഇതില്‍ മുന്നോട്ട് വെയ്ക്കുന്നുണ്ട്. ഇതിലെ നിഗമനങ്ങളും നിര്‍ദ്ദേശങ്ങളും വിവാദങ്ങള്‍ ഉയര്‍ത്തിയേക്കാം. അവയോട് യോജിക്കുകയോ വിയോജിക്കുകയോ ആവാം. പക്ഷെ കേരളത്തിന്റെ നാളെയെക്കുറിച്ചുള്ള ക്രിയാത്മകമായ സംവാദങ്ങള്‍ക്ക് ഈ ഗ്രന്ഥം തുടക്കം കുറിക്കണമെന്നാണ് ഞങ്ങളുടെ ആഗ്രഹം. കേരളത്തിന്‍രെ ഇന്നിനെക്കുറിച്ചുള്ള ശാസ്ത്രീയമായ വിശകലനത്തിന്റെ അടിസ്ഥാനത്തില്‍ നാളെയെക്കുറിച്ചുള്ള അര്‍ത്ഥപൂര്‍ണ്ണമായ ചര്‍ച്ചകള്‍ക്ക് നിദാനമാകുന്ന ഒരു പ്രൗഢഗ്രന്ഥമാണിത്.